காதல் சிறை

கப்பலில் வாடி,

கடலில் தேடினேன்,

காதல் கன்னியை..!

திக்கு தெரியாமல்,

பித்தென ஆனேன்,

அவளைக் காணாமல்..!

தூரத்தில் விடிவெள்ளி,

மின்னியது அவளொளி,

பின்தொடர்ந்தேன் அவளை..!

கரையைச் சேர

வழியில்லை- சிறையில் 

எந்தன் தேவதை..!

மாயனவன் பிடியினை 

நீக்க மன்னன் -

நான் வருகிறேன்..!  

சிறை மீட்கும் 

நேரம்வரை - காத்திரு

சின்ன பெண்ணே..!

காதல் சுவை

கடல் நீரில் பிறந்த   
உப்பு - உவர்க்கும் கல்வி பாடத்தில்,
உன் வியர்வையில் பூத்த 
உப்போ - இனிக்கிறது நம் காதல் பாடத்தில்..! 

தூரம்

நம் இருவருக்கும் இடையில்
பல்லாயிரம் மையில்கள் - கொடிதன்று,
பேசாமல் அமைதியாய் கழியும் 
கன நொடி நேரம்  -
கொடிதினும் கொடிது..!!! 

தவம்

நீ இன்றி இரவெல்லாம் கண்விழித்தேன்,
விடியலாய் நீ வருவாய் என,
விடிந்தும் ஏன் நீ வரவில்லை,
விழியின் தவம் போதவில்லை என்றோ!!??

தவிப்பு

தகிக்கிறது உள்ளம் - உன்னை
நீங்கி விலகி நிற்பதால்,
தலைகோத வருவாயா - இல்லை
தலை சாய்ந்ததும் வருவாயா..!!?

பசலை

என்  கோப(வை) கிளியே,
உந்தன் உடல் உருக -
காரணம் மேகம் இல்லை!!

காதலன் தனை பிரியும்,
தலைவிக்கு வரும் இது-
கொடிய நோய் பசலையாம்!!!

வரம்

வருடம் ஒரு முறை பூஜை,
வாரம் ஒரு முறை விரதம் - இருந்தாய்
வரனாய் நான் வர வேண்டி..!

தமிழில் எண்கள் இல்லை- நான்
தவம் செய்த காலம் உரைக்க - 
வரமாய் தேவதை - நீ வர வேண்டி..! 

தேவதை

தேவதையே ...!

நீ யார் என்று -

இயற்கை கூட அறியும்...!

பன்னீர் தெளிக்கும் வானம்,

குடை பிடிக்கும் மேகம்,

வரவேற்புத்   தோரணம் வானவில்..!

பாதம் முத்தமிடும் ரோஜா,

பார்த்து  கவிழும் தாமரை,

கன்னம் கடிக்கிறது தேனீ...!!

ஏமாற்றம்

அவனியை அல்லல்படுத்தி ஆழ்பவன் -

இல்லத்தின் இன்பத்தைப் பருகுபவன் -

உறவுகளைக் கெடுக்கும் உத்தமன் -

எதிர்பார்ப்பின் செல்லக் குழந்தை -

ஏமாற்றம்..!!

கண்ணாமூச்சி

கண் முன்னே வந்து,

கைத் தொடும் தூரத்தில் நின்று,

கன நொடியில் மறைந்து,
ஆடுகிறாய் - கண்ணாமூச்சி..!!!

காதல் கனவு

கண்   உறங்கும்  வேளையிலே  காதலியே நீ  தானே,
பின் இரவின் பாதியிலே பஞ்சணையில்  நீ  தானே,
இன்பம் தரும் கனவுகளின் நாயகியும்  நீ  தானே,
கண் விழித்துப் பார்கையிலே கரைவதும் நீ  தானே..!!

பாலைத் திணை

காயும் சூரியன் - கடுங்குளிர்,
சுட்டெரிக்கும் மணல் - உறைபனி,
பூக்கும் கற்றாழை - உறங்கும் நத்தை,
கரையும் பேடை - கூகைக் காற்று,
அங்கே நீ - எங்கோ நான்,
நம் பிரிவால் -
இயற்கைக்கும்  சோகம்..!

தூரத்தில் மேகம் -
விரைந்தோடி வாரும்,
என்னவளைக் கண்டு -
என் தூது சேரும்..!
காற்றை வருவேன் -
காதலை தருவேன்,
உன்னைச் சேரும் நாளை 
உரக்கச் சொல்வேன்...!  

மரணம்

நான்கே நாட்களில் - நீ

முற்றிலும் மறந்தாய் - என்

ஏட்டில் எழுதியது - இதோ

சரியாக நடந்தது - இங்கு

நொடியில் மரணம்...!

மரியாதை

என்னைச் சுட்டி

"அவர் - என்னவர்"

என சொல்வதைக் கேட்பவர்க்குத்

தெரியாது - என் சுட்டிப்பெண்

நீ - எனக்கு தரும் மரியாதை...!

தண்டனை

குற்றம் புரிந்தவனுக்கு

விசாரித்த பின் - தண்டனை...!

உன்னை விட்டுச் சென்ற

எனக்கு - வேண்டாம் விசாரணை -

உன் மௌனமே தண்டனை....!

பார்வை

மையல் தரும் உனது
சுட்டும் விழிப் பார்வையை 
ருசிக்க -
கோதையே - எப்போதும் வரும்
வைகறை என காத்திருக்கிறேன்....!

ஆனந்த அவஸ்தை..!

சொல்வதைக் கேட்பவன் நான்,

அதற்காக - நான்

நினைத்ததையும் நீயே சொல்கிறேன்

என சண்டை இடும் - நீ...!

சிலேடை 2 : தாமரை

தாமரையே உந்தன்
கண் பார்வைப் பட்டால் -
மயங்குவான் மரை(றை) நாயகன்....!

காதலர் தினம்

 பிப்ரவரி 14 -

காதலர் தினம் -

நான் கொண்டாடுவதில்லை...!

என் காதல் தேவதையே -

இந்த ஜென்மமே நமக்கு

காதலர் தினம் தான் - 

கன நேரமும் மாறாது

நாம் நேசிப்பதால்....!

விடுகதை

மானிட வாழ்வின் ஆதாரம்,
இருக்கும் இடம் அறிந்து -
உன்னை நீ வடிவமைப்பாய்..!
உந்தன் தன்மை வேண்டும் எங்களுக்கு...!

விளியின் காதல் குழந்தை - நீ..!
உன்னால் தேசங்கள் பிளவுபட்டது...!
உந்தன் மகனோ - தேசங்கள்
தாண்டி காதல் கொள்கிறான்..!

பதில் தாருங்கள் இக்கேள்விகளுக்கு -
தாய் தந்தை யார்...?

காதல் குழந்தையின் பெயர் என்ன?

அவனின் மகன் யார்?
மகனின் காதலி யார்?  

எங்கும் நீயே...!

பசியுடன் நான் ஊட்டியில் -

எப்போது ஊட்டி விடுவாய்...?

பந்திப்பூர் சாலையில் நீ -

மானாய் வந்தாய் - நான் 

உருண்டு ஓடினேன் பந்தாய்...!

மடிகேரி சென்றாலும் உன்

மடியின் சுகம் கிட்டவில்லை...!

மைசூரு அரண்மனையில் தேடினேன் 

என் ராணியே உன்னை -

பதில் வந்தது எனக்கு -

மன அரண்மனையில் உள்ளாளென...!

உன்னை எண்ணியே நாட்கள் 

நான்கு ஓடியது - நாம்  

எப்போது ஒன்று கூடுவது..?

காணும் பொங்கல்

இன்றோ அனைவருக்கும் 
காணும் பொங்கல்,
சுந்தரியே -
உன்னைக் காணும் நாள் தான்
எந்தன் உள்ளம் பொங்கும்..! 

நண்பன்

வாழும் வரை உன்னோடு இருப்பேன் -
என்றுரைக்க இது காதல் இல்லை,
இருக்கும் வரை ஒவ்வொரு அணுவிலும் -
இறந்த பின் நினைவுகளோடும் இருப்பாய் -
நீ என் நண்பனாய்...!

செய்கை மொழி

சின்னச் சின்னக் கைகளில்

செய்கையால் பேசுகிறாய் -

உந்தன் அழகைப் பார்த்து - 

ஊமை ஆன என்னிடம்....!

காதல் சடுகுடு

நானும் விளையாடுகிறேன்..!
என்னுள் வந்த உந்தன் சுவாசம்
வெளியே செல்ல விடாமல் -
காதல் சடுகுடு...!