அரங்கேற்றம்

மாதங்கள் பல உறக்கம்
இலாது – புசிக்க நேரமும்
எண்ணமும் நீங்கி – தவம்
போல நான் இருந்தேன்!


அரங்கேற்ற நேரமும் நெருங்க
உள்ளத்திலும் உடலிலும் பெரும்
புயல் வந்து போனது!


மேடை ஏறும் நாள்
நாளை என்றிருக்க – இன்று
கலைந்தது எந்தன் தவம்  – 
தொடங்காமலே முற்று பெற்றது – 
மேடை ஏறா அரங்கேற்றம்!

காதலர் தினம்

வருடத்தில் ஒரு முறை

உலகமே கொண்டாடுகிறது - காதலை!

தேவை இல்லை கண்ணே

அனுதினமும்  கொண்டாடும் - நமக்கு!

முத்தமிட்டு, வாழ்த்து சொல்லி 

கட்டியணைத்து பரிசில் கொடுத்து 

மகிழ்வது தான் காதலா?

மனம் ஒன்றி உணர்வு 

ஒன்றி - என்றும் பிரியா 

வரம் வேண்டுவதே காதல்!