காணும் பொங்கல்

இன்றோ அனைவருக்கும் 
காணும் பொங்கல்,
சுந்தரியே -
உன்னைக் காணும் நாள் தான்
எந்தன் உள்ளம் பொங்கும்..! 

நண்பன்

வாழும் வரை உன்னோடு இருப்பேன் -
என்றுரைக்க இது காதல் இல்லை,
இருக்கும் வரை ஒவ்வொரு அணுவிலும் -
இறந்த பின் நினைவுகளோடும் இருப்பாய் -
நீ என் நண்பனாய்...!

செய்கை மொழி

சின்னச் சின்னக் கைகளில்

செய்கையால் பேசுகிறாய் -

உந்தன் அழகைப் பார்த்து - 

ஊமை ஆன என்னிடம்....!

காதல் சடுகுடு

நானும் விளையாடுகிறேன்..!
என்னுள் வந்த உந்தன் சுவாசம்
வெளியே செல்ல விடாமல் -
காதல் சடுகுடு...!