வெண் பனியே!

நம் தாம்பத்யம் தொடங்கியது பனியில்

தெரியாதே அன்று -

உறையும் பணியிலே உறைவிடம் கொல்வோமென!

குளிரில் நடுங்க வைப்பதும்,
குழந்தையென பரவசப் படுத்துவதும்,
முத்தம் வேண்டினால் மறையும்
நீயும் வெண் பனியன்றோ!!

இதுவும் கடந்து போகும்

தைரியம் கொண்ட பெண்தான்
நீ - அனைத்தையும் தாங்கிக்கொள்கிறாய்
எனக்காக!

என்னால் தான் - பல
இன்னல்களை பார்க்கிறாய் கண்ணே
நீ!

உன்னை தனிமையில் விட்டு
நான் மகிழிக்கிறேன் என்று
எண்ணுகிறாயோ?

ஒவ்வொரு முறையும் முள்ளில்
நடக்கிறேன் உன்னை விட்டுச்
செல்கையில்.

நம் காதல் கனி
வரும் வேளை - இதுவும்
கடந்து போக வேண்டுகிறேன் 
தினமும்.

பிறந்த நாள்

மலர்களுக்கு பிறந்தாள் ஒருமுறை.
பெண்ணே - ஒவ்வொரு மாதமும்
நீ பூப்பதால் - கொண்டாடுவோம்
மாதம் ஒருமுறை உனது
பிறந்தநாள்.

அரங்கேற்றம்

மாதங்கள் பல உறக்கம்
இலாது – புசிக்க நேரமும்
எண்ணமும் நீங்கி – தவம்
போல நான் இருந்தேன்!


அரங்கேற்ற நேரமும் நெருங்க
உள்ளத்திலும் உடலிலும் பெரும்
புயல் வந்து போனது!


மேடை ஏறும் நாள்
நாளை என்றிருக்க – இன்று
கலைந்தது எந்தன் தவம்  – 
தொடங்காமலே முற்று பெற்றது – 
மேடை ஏறா அரங்கேற்றம்!

காதலர் தினம்

வருடத்தில் ஒரு முறை

உலகமே கொண்டாடுகிறது - காதலை!

தேவை இல்லை கண்ணே

அனுதினமும்  கொண்டாடும் - நமக்கு!

முத்தமிட்டு, வாழ்த்து சொல்லி 

கட்டியணைத்து பரிசில் கொடுத்து 

மகிழ்வது தான் காதலா?

மனம் ஒன்றி உணர்வு 

ஒன்றி - என்றும் பிரியா 

வரம் வேண்டுவதே காதல்!

உனக்காகவே காத்திருக்கிறேன்!

காதல் கிளியே - விரைவில் வாராய்!
உன்னைக் காண - ஒரு வரம் தாராய்!

வருடங்கள் பல அன்று காத்திருந்தாலும் -
இன்று நொடியும் கூட பிரிந்திட வேண்டாம்!
நீ இல்லாமல் என் நாட்கள் இல்லை -
நீ என்னுடன் இருந்தால் இனி கவலைகள் இல்லை!

உனக்காகவே நான் உயிர் வாழ்கிறேன் -
நம் வாழ்கையின் கனி - உன்னிடம் உண்டு!
அதை காணவே பல கண்களும் உண்டு -
காத்திருக்கிறேன் கைகள் ஏந்திக்கொண்டு!

பட்டாம்பூச்சி

மாற்றம் -
பட்டுப் புழு - வண்ணத்துபூச்சி - உருவத்தில்
பெண் - தாய் - தகுதியில்!

சிறகு அடிக்கும் -
கூட்டை விட்டு வெளியில் வந்தபின் - பட்டாம்பூச்சி 
அன்னையின் வயிற்றில் உள்ளே வந்தவுடன் - எனது சிட்டு!

வண்ணங்களோடு -
வெளி வரும் - பட்டாம்பூச்சி!
வரவேற்போம் - நமது பட்டுக் குட்டியை!