நட்பு

நண்பன் தரும் பத்து பைசாவும் -
நட்பை பேசும் பல காலம் -
பைசா கோபுரம் போல்...!

தாய் மொழி

நீரின்றி அமையாது உலகு -
முதுமொழி - தாயே
நீ இன்றி அமைந்திருக்காது என் உலகு...!

இன்றைய நட்பு

ஒரு வழி பாதையாய் -
அன்பை பொழிவதற்கு -
இது தாய்மை இல்லை...!

இன்றைய வர்த்தக உலகில் -
யாருக்கும் நேரம் இல்லை -
காட்ட அன்பும் இல்லை..! 

மூன்றெழுத்து மந்திரம்

அந்த மூன்றெழுத்து மந்திரத்திற்காக,
ஏங்கினேன் மூன்று நாட்களாய்,
அது நாட்கள் அல்ல யுகங்கள்...!

முக்காலமும் உனக்கெனத்  தந்தேன்,
இப்போதே வாய் மலர்வாய்,
என் ஆவி தவிக்கின்றது அதற்காக..!

 

சிலேடை - பூனையும் என் காதலியும்

குழந்தையாய் அழுவாள்,

தோழியாய் விளையாடுவாள்,

கண்கள் திறந்தால் தான் - (என்) உலகமே இயங்கும்,

எகிப்து தேசத்தின் தலைவியே -
பூசையே உனக்காக...!

பேதம்

சொல்வதொன்று செய்வதொன்று-
அரசியலில் அழகு -
அழகில்லை - என்
அரசியின் இயல்பிற்கு...!
  

ஏமாற்றம்

கோடையில் கானல் நீர் - எதிர்பார்ப்பு

தேடிச் சென்று பெறுவது - ஏமாற்றம் 

ஏளனமாய் சிரிக்கும் சூரியன் - என் மனசாட்சி

கற்றுக்கொண்டேன் - 

கறைவது கானல் நீர் மட்டும் அல்ல -

நானும் தான்...!

கவிதை

காண்பதற்கு இனிய ஓவியமே,

உன்னைக்  கண்ட போது-

நான் உளறிய வார்த்தைகள் 

ஆயின - கவிதை..!

அழகி..!

ஒப்பனை இல்லா அழகியே -
உன் அழகிற்கு - உலகில்
ஒப்பு இணை இல்லை.

வலி

தேர்வுகளின் பின்

முடிவுகளுக்காக எதிர்பார்ப்பதும் -

பிரசவ வலி தான் - 

மாணவர்களுக்கு...!

ஆயுதம்

கண்டுகொண்டேன் இன்று -

அஹிம்சையால்  உயிரை எடுக்கும் ஆயுதம் -

மௌனம்....!

கவிதையே நீயடி..!

சின்னப்பெண்ணே,
என் கவிதையே நீயடி,
நீ அதன் விளக்கம் கேட்பது ஏனடி...!

மழலை மொழி

அழகிய நக்ஷதிரங்களே...!

மஞ்சள் பூசுவதை நிறுத்துங்கள்,

எந்தன் அம்புலி மாமாவிற்கு

உங்களால் மஞ்சள் காமாலை - 

பௌர்ணமி...!

நான் எழுதுகிறேன்

என் அன்பே,

அன்று எழுதினேன் உனக்கு பிடித்ததால்,

இன்றும் எழுதுகிறேன் -

உனக்கு பிடித்ததால் - வேறொருவனை..!

முதல் பாடம்..!

சுண்டு விரலளவே உள்ள எழுதுகோல்,

வேண்டாம் என வீசி எறிந்தேன் - 

எடுத்தான் குப்பை அள்ளும் சிறுவன்,

சுண்டு விரலோடு சேர்த்துப்பார்த்தான்,

வைத்தான் சிரித்துக்கொண்டே சட்டைப்பையில் -

கற்றுக்கொண்டேன் முதல் பாடம் - 

ஏக்கத்தின் வெளிப்பாடு - சிரிப்பு :(

தமிழச்சிக்கு...!

அகரமும் அவதி - அன்பே நீ கோபம் கொண்டால்,

சிகரமும் சிறியது - உன்னை தேடிச் செல்லும்போது, 

தகரமும் தங்கம் - ரசவாத ரகசியம் உன் காதில் ,

நகரமும் நரகம் - நீ இல்லாதபோது,

ழகரமும் கலங்குதடி - உந்தன் வடிவைக் கண்டு..!

ஒப்பிலக்கணம்..!

தேய் பிறை இல்லாக்  காலம்,
மனம் பறவையாய் பறந்த தருணம்,
செய்த சேட்டைகள் - மன நினைவில்,
விழியின் ஓரம் - கண்ணீர் துளியில் -
கல்லூரி வாழ்வும் காதல் வீழ்ச்சியும்! 

பசி..!

என் செல்லமே !

நீ இருக்கும் வரை உன்னோடு தான்,

நீ என்னை மறந்தாலும் 

நான் உன்னை மறவேன் -

பசி..!

அல்லியின் பிரிவு

அல்லி  காத்திருகிறது  நிலவொளிக்காக,
அல்லிக்கு  தெரியாது  இன்று  அமாவாசை  என்று  -
அல்லிக்கு  உண்டு  மோட்சம்  பதினைந்து நாட்களில்!
போர்க்களத்தில்  மணாளனை இழந்த  மங்கைக்கு?

- அனிதா 

நிழல் நிஜமாகிறது

என்  விழிகளுக்கு இத்தனை ஆற்றலா!!
சற்றும்  இமைக்காமல்  உன்  புகைப்படத்தை  உற்று  பார்த்தால்  -
அடடா..நிழல்கூட  இங்கே  நிஜமாகிறது!!

- அனிதா

மயிலின் மையல்

கனத்த கார்மேகம்
அடைமழை அறிகுறி,
சிலிர்க்கும் அதைக் கண்ட தோகை மயில் -
உன்னைக் கண்ட நான்...!

 - அனிதா

திருவிழா

என் உள்ளம்  என்னும் ஊரில்

இன்று கொண்டாட்டத் திருவிழா,

இருவருக்கு மட்டும் -

என்னவளின் பிறந்தநாள்...! 

~ என் அன்பு அ(னிதா)க்காவின் கவிதை :) :)

எதிர்பார்ப்பு

பல முறை பசியோடு காத்திருந்தேன் - வரவில்லை, 

வெயிலில் வெந்து மடிந்தேன் - 

அப்போதும் வரவில்லை,

பிறவிகள் பல எடுத்தாலும் -

மாறாது எந்தன் எதிர்பார்ப்பு - 

மழையை நோக்கும் நெர்ப்பயிறும் - 

உன்னை தேடும் நானும்! 

தீபாவளி

மண் வளம் போற்றிட - பூந்தொட்டி,

கடல் வளம் பெருக - சங்கு சக்கரம்,

ஊர்வன பறப்பன - குருவி வெடி பாம்பு மாத்திரை,

அறிவியல் வளர்ச்சிக்கு - ரயில் பெட்டி,

வின்வெளி ஆராய்ச்சிக்கு -  ஏவுகணை,

நாட்டுப்பற்று விதைத்திட - நேதாஜி வெடி,

இறை நம்பிக்கை உள்ளோர்க்கு - லக்ஷ்மி வெடி,

என நம் முன்னோர்கள் - 

மனிதகுலத்திற்கு தேவையான 

அனைத்தையும் போற்றினார்கள்...!

நாமோ இயற்கையை அழித்து,

விலங்குகளின் இருப்பிடத்தை ஆக்கிரமித்து,

காற்றை மாசுபடுத்தி, 

மொழி மதம் நாடு எல்லாம் மறந்து,

நமக்கு நாமே விரோதி ஆகின்றோம்...!

சற்றே யோசிப்போமாக..!

தீப ஒளி திருநாளில் -

நம் உள்ளம் ஒளி பெறட்டும்....!

ஊடல்

மின்னல்  வெளிச்சமாய்  கோரைப்பற்கள்,

இடி முழக்கமாய்  கண்களின்  தாக்குதல்,

சாரலாய் வரும் - முடிவு  பெறாத  வார்த்தைகள்,

பேய்  மழையாய்  நோகடிக்கும்  - முற்றுபெற்ற  சொற்கள்,

வெள்ளமாய்  பெறுகும்  கண்ணீர்  துளிகள்,

இவை  அனைத்தும்  தேவைதானா ??!

தனிமை  என்றுமே  இனிமை  தானா...!!

அறவே  இல்லை....!!!

அடை மழைக்கு  பின்  துளிர்த்தெழும்  -

செழிப்பான தளிர்  தான்  - ஊடலின் பின் வரும் காதல் :)

விவாகம்

சினம்  கொள்ளும்  வேங்கை  - பூனையாய் மாறியது ,

யார்  சொல்லியும்  கேளாதவன்  - மெல்லிய  பூவின்  ரசிகன்  ஆனான் ,

புலால் உண்பவன்  - புல்லினங்களின் கூடலைக் கற்றுக்கொண்டான் ,

குட்டிச் சாத்தான்  சொல்லும்  குற்றேவலையும் செய்தான் ,

நோய்  தீர்க்கும்  மருந்து  -


பல  தேசங்கள்  தேடியும்  கிடைக்கவில்லை ,

குறி  சொல்லும் நங்கை  வந்தாள் -

மருந்தின்  பெயரை அன்னையிடம்  கூறினாள் -


"விவாகம்" 

மண மாலை

தென்றலை  வந்தாய்  தோழியாய்..
.
சாரலாய்  இன்பம்  தந்தாய்  சிநேகிதியாய்...

அடை மழையாய் பெய்தாய் என்  தோட்டத்தில் ....

இன்று பூத்துக் குலுங்குகிறது , 

மண மாலையில் பூக்கள் - 

மணமேடையில்  நான் -

மங்கையின்  கரம்  பிடிக்கும் மணாளனாய்... :)

பிரிவு

"நீயாவது  உன்  காதலியை  முதுமிட்டுப்போ  - 
என்  பிரிவு  உனக்கு  வேண்டாம்  "-
காதலன்  - மழையிடம்...!

முதல் மயக்கம்

அன்றொருநாள்  உன்னை  பார்த்த  நொடியில்  சிதறினேன்

இன்று உன்னை  பிரதிபலிக்கிறேன்  பலமுறை  - 

கண்ணாடிச் சிற்களாய் ......! 

கண்ணாமூச்சி....!

அலுவலகத்தில் நான்....

எழ மறுக்கும் குழந்தையாய் சிணுங்கியது - என் கை பேசி,

அன்பு மனைவி ஆனந்தமாய் கூறினாள்,

"நம் வீட்டிற்கு ஒருவர் வரபோகிறார்

மாலை மருத்துவரிடம் செல்ல விரைவாய் வரவும்" என்று,

பல வருடங்களுக்குப்பின் வந்த நற்செய்தி,

ஆனந்தத்தில் சிரிக்கும் மழலையாய் வந்தது கண்ணீர்..!

மாலையில் மருத்துவர் -

"இது குழந்தை அன்று...!"

பிறக்கும் முன்பே விளையாடுகிறான் -

எங்கள் மாயக்கண்ணன் -

"கண்ணாமூச்சி....!"