கண்ணாமூச்சி....!

அலுவலகத்தில் நான்....

எழ மறுக்கும் குழந்தையாய் சிணுங்கியது - என் கை பேசி,

அன்பு மனைவி ஆனந்தமாய் கூறினாள்,

"நம் வீட்டிற்கு ஒருவர் வரபோகிறார்

மாலை மருத்துவரிடம் செல்ல விரைவாய் வரவும்" என்று,

பல வருடங்களுக்குப்பின் வந்த நற்செய்தி,

ஆனந்தத்தில் சிரிக்கும் மழலையாய் வந்தது கண்ணீர்..!

மாலையில் மருத்துவர் -

"இது குழந்தை அன்று...!"

பிறக்கும் முன்பே விளையாடுகிறான் -

எங்கள் மாயக்கண்ணன் -

"கண்ணாமூச்சி....!"