மலரும் நானும்

பிறந்த நேரம் -
உன்னுடனில்லை!
பூத்த தருணம் -
அறிந்திருக்கவில்லை!

மணம் கொண்ட
மலரே - என்னைக் கட்டி
இழுத்தாய்!

வந்தவன் உண்ண -
தேன் கொண்டு
தந்தாய்!

தேன் உண்ட
போதை - நான்
மயங்கி நின்றேன்!

தேன் அல்ல போதை -
தந்தவள் நீ தான் போதை!!

தெளிந்ததும் அறிந்தேன் -
வாழ்வின் அமிழ்தம்
நீ தான் என்று!

மலர் விட்டு மலர்
நான் தாவ மாட்டேன்!!
உயிர் கொண்ட பூவே
உன்னை நீங்க மாட்டேன்!!

மடல் மடக்கி என்னை -
உன்னோடு சேர்த்து,
உடல் கொண்ட வினையை
பூரணம் செய்து -
உயிர் மோட்சம் தருவாய்!!

விழிச்சிறை

காதலி கண்ணில்

கரு மை கரைக்க -

காதலன் கட்டுண்டு 

கிடக்கிறேன் கண்ணியின் 

கருவிழியில்!!

  

தனிமை

உன்னை உன்னகே

அறிமுகம் செய்யும்

உடன்பிறப்பு!!

கருவறை முதல்

கல்லறை வரை

பயணத்தோழன்!!

எவன் விட்டுச்

சென்றாலும் இவன்
பிரியாதிருப்பவன்!! 

அவள் இல்லாத
காரணமோ எனக்கு
இந்தக் கொடுமை - தனிமை!!!

வேள்வி

பதில் சொல்லத் தெரியாமல்
தவிக்கிறேன் நான்!

தேவதை கேட்கிறாள்
எப்பொழுது கல்யாண வேள்வி?

எப்படி சொல்வேன் -
கடவுள் கேட்பதில்லை
திருவிழா என்றென!!

ஏக்கம்

பேச நினைக்கும் நேரத்தில்,
கைக்கெட்டா தூரத்தில் நீ..!
உன்னை நினைக்கும் நேரத்தில் -
என் அருகில் நீ..!

கனவுகளில் தான்
வருவாய் என்றால் -
எனது உயிரையும்
செலவு செய்வேன்..!

சித்திரைக்கனி

நாள்தோறும் எனக்கு
வருடப் பிறப்பே..!!
நித்தம் எந்தன்  
கனியை  - கண்
விழித்ததும் காண்பதால்!!!

கல்யாணம்

எல்லா உடன் பிறப்புகளும்
சேர்ந்து இருப்பது இல்லை!

தனிமைப் படுவதும் உண்டு,
பிரிவும் உண்டு - சிலர்
எதிரிகள் கூட ஆவர்!!

காதலும் கல்யாணமும் போல்!!!